ل ترکیەیێ 15 کەس ب تۆھمەتا کو سیخوورتی ژ بۆ مۆسادا ئیسرایلێ کرنە ھاتن زندانیکرن.
ھەفتەیا بۆری د چارچۆڤەیا لێپرسینەکا سەردۆزگەریا کۆمارێ یا ستەنبۆلێ یا ل دژی ھاوالگریا دەرڤە یا ئیسرایلێ مۆسادێ دە، دگەل ستەنبۆلێ ل ھەشت باژارێن ترکیەیێ 34 کەس ھاتبوون دەستەسەرکرن.
ھات زانین، 26 ژ وان ل دادگەھا ستەنبۆلێ ھاتن دادگەھکرن و ب تۆھمەتا “سیخوورتیا سیاسی و سەربازی” بریارا زانندانیکرنا 15 کەسان ھاتە دایین و 11 بەرگوومان ژی ب کۆنترۆلا دادی ھاتن ئازادکرن.
ھەروھا 8 بەرگوومانێن دن ژی دا کو بهێن دەرسینۆرکرن، بۆ رێڤەبەریا کۆچووکۆچبەران ھاتن شاندن.
سەرۆکێ ھاوالگریا ناڤخوە یا ئیسرایلێ شین بەت، مەھا بۆری گۆتبوو ئەو دێ بەرپرسێن حەماسێ یێن ل ترکیەیێ “ژناڤ ببن”. سەرۆککۆمارێ ترکیەیێ رەجەپ تەییب ئەردۆگانی ژی نەرازیبوون نیشان دابوو و ل سەر ئەگەرا ئۆپەراسیۆنەکا مۆسادێ یا ل ناڤا ترکیەیێ گۆتبوو: “باجا ڤێ دێ گەلەک گران بە، ئیسرایل دێ باجەکە گران بدە”.
