ل ترکیێ و باکورێ کوردستانێ پارتیێن سیاسی ھێدی ھێدی د دەربارێ ھلبژارتنێن ھەرێمی دە ھەلوەستێن خوە ئەشکەرە دکن. وەک تێن زانین هەڤپەیمانیێن ھەیی ھندەک ب ئاوایەکی بەردەوام دکن و ھندەک ژی تێکدچن.
ئی پارتیێ بریار دا کو نەکەڤە د ناڤا چ هەڤپەیمانیان و ب سەرێ خوە دکەڤە ھلبژارتنا. ب سەدەما ڤێ ھەلوەستێ، گەلەک بەرپرس و پارلەمەنتەرێن ڤێ پارتیێ دەست ژ پارتیا خوە بەردان و ھندەک ژ وان چوون ناڤا ئاک پارتیێ دە.
ھندەکان ژی دخوەستن ھەڤکاریا ل گەل جەهەپێ بەردەوام بە. لێ سەرۆکا پارتیێ بریار دا کو د ناڤا چ هەڤپەیمانیان دە جھ نەگرە.
سەرۆکا ئی پارتیێ مەرال ئاکشەنەر د جڤینەکی دە ھندەک بەربژێرێن پارتیا خوە یێن شەرەداریا ئەشکەرە کرن، د ڤێ جڤینێ دە ئاکشەنەر د بەشەک ئاخاڤتنا خوە دە گۆت: ئالیەکی ژ مە رە دگۆت، ھوون دەستێن کەسێن کو دەستێن پەکەکەییان دھەژینن دھەژینن. نھا، ژ بەر ڤێ یەکێ، ئەم ب تەنێ تێکەڤن ھلبژارتنا. بێی کو دەستێ کەسی بھەژینین، بێی کو گۆتنەکا خراب بێژینە کەسی، بێی کو سڤکاتیێ ب کەسی بکین. دەنگدەرێن کو دەنگێ خوە دانە ئاک پارتیێ سەر سەرێ مە نە، دەنگدەرێن کو دەنگێن خوە دانە پارتیا کۆماری یا گەل ژی سەر سەرێ مە نە. ئەم ل دەنگێن ھەموو کەسێن کو دەنگێ خوە دانە وان ھەر دو پارتیان و یێن دایین پارتیێن دن ژی دگەرن و دخوازن دەنگا بدن مە.
