ئارتێشا ترکیێ و گرۆپێن چەکدار گوندێن عەفرینێ و منبجێ ددە بەر تۆپان

ئارتێشا ترکیێ و گرۆپێن چەکدار یێن سەر ب وێ ڤە گوندێن عەفرینێ، باکورێ حەلەبێ و منبجێ تۆپباران دکن و وەلاتیەک ژی بریندار بوویە.

ل گۆری مەدیایا خوەجھی، ئارتێشا ترکیەیێ و گرۆپێن چەکدار ئیرۆ دارستانێن گوندێ سۆخانەکێ یێ ناڤچەیا شێراوایێ یا عەفرینێ تۆپباران دکن. د تۆپبارانێ دە ژی وەلاتیەک بریندار بوویە.

ھەروھا تۆپباران گھیشت گوندێن دن یێن عەفرینێ یێن د دەستێ ھێزێن سووریەیا دەمۆکراتیک (ھەسەدێ) دە، وەک مەیاسە، کەفر ئەنتۆن، کەشتیار، مەراناز و مالکیێ.

ئارتێشا ترکیێ و گرۆپێن چەکدار ژ ئادارا 2018 ڤە ھەرێما عەفرینێ داگیر کرنە، لێ 12 گوندێن ناڤچەیا شێرەوا یێن نێزیکی ھەر دو باژارۆکێن شیە (نبل و زەھرا) د دەستێ ھەسەدێ دە مانە.

ھات زانین ژی، ئارتێشا ترکیەیێ گرۆپێن چەکدارێن سەر ب وێ ڤێ گوندێ عەون داداتێ یێ دکەڤە باکورێ منبجێ ژی تۆپباران دکن.

ئارتێشا ترکیێ ژ رۆژا 23 بەرچلەیان 2023 ڤە ب رێیا درۆنان ب دەھان سازی و ناڤەندێن خزمەتگوزاریێ و خالێن ئاسایش و ھەسەدێ ل ناڤچەیێن جودایێن رۆژئاڤایێ کوردستانێ بۆمبەباران کربوون.

ل گۆری ئاماران ژی، ھەتا نھا 10 کەسان جانێ خوە ژدەست دانە، ھەژمارەک کەس بریندار بوونە و زیانێن مادی یێن مەزن دەرکەتنە.