كۆمارا ئیسلامی یا ئیرانێ ب به‌هانه‌یا کو «ئەو هه‌ڤكارییا ئیسرائیلێ دكه‌ن» جەزایێ سێداره‌دانێ دا چار لاوێن كورد یێن ژ رۆژهلاتێ کوردستانێ.
دەما ئەڤ گه‌نجه هاتبوونه دەستەسەرکرن، ئه‌و ل ده‌ستپێكێ ب هاریكارییا پارتیەکا رۆژهلاتا کوردستانێ هاتبوون تۆهمەتبارکرن.
دادگەها شۆرەشێ یا تەهرانێ جەزایێ سێداره‌دانێ بۆ چار گرتیێن سیاسی یێن کورد یێن ب ناڤێن پژمان فاتیحی، موحسن مەزلووم، وەفا ئازەربار و مەحموود (هەژیر) فەرامەرزی دا.
به‌هانه‌یا دادگەها شۆرەشێ یا تەهرانێ ئه‌وه كو ڤان گه‌نجان هەڤکارییا ئیسرائیلێ کریە و دادگەها تەمییزێ ژی ئەڤ جەزایه پەسەند کریە.
پژمان فاتیهی 28 سالی یە و خەلکێ کامێرانێ یە.
موحسن مەزلووم 27 سالی یە و خەلکێ مەهابادێ یە.
وەفا ئازەربار 26 سالی یە و خەلکێ بۆکانێ یە.
مەحموود (هەژیر) فەرامەرزی ژی 28 سالی یە و خەلکێ دوێلانێ یە.
رێخستنا مافێن مرۆڤانا هەنگاوێ دا زانین، مالباتێن ڤان گرتیان ژ دەما دەستەسەرکرنا وان و هەتا چ ئاگاهی ژ وان وەرنەگەرتنە، جهێ کو لێ تێن گرتن ژی نە دیارە و دۆسیایێن وان نیشانی پارێزەرێن وان ژی ناده‌ن.
هەنگاوێ هەروه‌ها دەستنیشان کر کو ئەڤ چار گه‌نج، سالەک و پێنج مەهـ و 15 رۆژان ل ناڤەندێن ئەولەهیێ هاتنە گرتن و ئیشكەنجەیێن گران ل وان هاتنە کرن.
