رێخستنا په‌كه‌كێ ل دو رۆژێن رابووری ناسنامه‌یا 3 چه‌كدارێن خوه یێن دن ئیفشا كر كو ئه‌و ژی وه‌كه ب سه‌دان رێهه‌ڤالێن خوه مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژێن ئینی و شه‌می 5 و 6/1/2024ێ ناسنامه‌یا 3 چه‌كدارێن خوه یێك ژێ ژن ئاشكه‌ره كر كو ل 29 كانوونێ و 26 جۆتمه‌هێ یێن سالا رابووری 2023ێ ل سینۆرێ مێردینێ و هه‌ر وها ل باشوورێ كوردستانێ كه‌تنه به‌ر ئێریشێن ده‌وله‌تا ترك و په‌كه‌كێ ژ نوو ڤه مرنا وان ئیفشا كر.
ناڤێن وان وسایه:
ئیسلام شێخمووس ژ ئامه‌دێ.
ئۆزگور عه‌دنان ژ مێردینێ.
ئاژدا حه‌قی ژ مووشێ.
هه‌په‌گێ د په‌سنێ ڤان چه‌كدارێن خوه ده دیسا گۆتیه ئه‌و ئاپۆیی بوون و فه‌دایێ ئاپۆ بوون، ئانگو خوینا وان ب فه‌دا ژ بۆی زلامێ ل ئیمرالیێ دیتیه.
ژ ده‌ستپێكا سالا نوو 2024ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دایه مرنێ و مرنا وان ڤه‌شارتی هشتی.
