ل ترکیە و باکورێ کوردستانێ، د 4 رۆژێن دەستپێکێ یێن سالا 2024ان دە 4 هەزار و 853 کەسێن کو دەربارێ وان دە بریارا دەستەسەرکرنێ هەبوو، هاتن دەستەسەرکرن.
وەزیرێ کارێن ناڤخوەیێ ترکیەیێ عه‌لی یەرلیکایا ل سەر حه‌سابا خوە یا مەدیایا جڤاکی راگهاند کو ل 81 پارێزگەهان د 4 رۆژێن دەستپێکێ یێن سالا 2024ان دە ئۆپەراسیۆنێن «چەمبەر-10»ێ هاتنە کرن.
د وان ئۆپەراسیۆنان دە 4 هەزار و 853 کەسێن کو دەربارێ وان دە بریارا دەستەسەرکرنێ هەبوو هاتنە دەستەسەرکرن.
دەربارێ کەسێن دەستەسەرکری دە پێشتر ژ بەر تاوانێن «دزی، گەندەلی، تالان، کوشتن، دەستدرێژی، مادەیێن هشبر و تەرۆرێ» بریارا دەستەسەرکرنێ هەبوویە.
د هەقێ گەلەک کەسێن دەستەسەرکری دە چەند سال بەرێ بریارا دەستەسەرکرنێ هاتبوو دایین.
40 ژ وان زێدەتر ژ 10 سالان بوو کو نەهاتبوون دەستەسەرکرن.
