گرووپا بەرخوەدانا ئیسلامی ل ئیراقێ ب درۆنەکێ بارەگەهەکێ هەڤپەیمانیا ناڤدەولەتی ل رۆژئاڤایێ کوردستانێ کرن ئارمانج.
گرووپا بەرخوەدانا ئیسلامی ل ئیراقێ ئیرۆ 7/1/2024ێ د داخویانیەکێ دا راگهاند، وان ب درۆنەکێ ئێریشی بارەگەهەکێ هەڤپەیمانیا ناڤدەولەتی ل پارێزگەها حه‌سه‌كێ کرنە و ئێریش ژی گهیشتیە ئارمانجا خوە.
ژ ئالیێ خوە ڤە، رەوانگەها سووری یا مافێن مرۆڤان گۆت، سیستەما بەرەڤانیا ئاسمانی یا هەڤپەیمانیا ناڤدەولەتی کاریە وێ درۆنێ بەری کو بگهە ئارمانجا خوە بخینن خوارێ.
ژ پشتی شەرێ د ناڤبەرا ئیسرائیل و حەماسێ دا د 7ێ جۆتمەها 2013ێ ڤە، ئێریشێن ل سەر بارەگەهێن لەشکەری یێن ئه‌مەریکا و هەڤپەیمانیا ناڤدەولەتی، ل سووریە و ئیراقێ زێدە بوونە.
ژ 19ێ جۆتمەها 2023ێ ڤە، گرووپێن چەکداران 79 جاران بارەگەهێن ئامەریکی و هەڤپەیمانان ل رۆژئاڤایێ کوردستانێ و رۆژهلاتێ سووریێ کرنە ئارمانج.
ل هەمبەر ڤێ یەکێ، ئه‌مەریکا چەندین جاران ملیسێن ئالیگرێن ئیرانێ ل ئیراق و سووریەیێ بۆمبەباران کرنە. هەری داوی ژی رۆژا 4ێ ڤێ مەهێ بارەگەها تەڤگەرا نووجەبا یا سەر ب حەشدا شەعبی ڤە هات ئارمانجکرن و د ئەنجامێ دا 3 سەرکردە هاتن کوشتن و هەژمارەک ژی بریندار بوون.
