د بەرسڤا ئێریشێن گرووپێن چەکداران ل سەر بارەگەهێن هەڤپەیمانیا ناڤدەولەتی ل سووریێ و ئیراقێ، هێزێن هەڤپەیمانان بارەگەهێن چەکداران ل باژارۆکێ مەیادین یێ رۆژهلاتێ سووریێ بۆمبەباران کرن.
رەوانگەها سووری یا مافێن مرۆڤان بەلاڤ کر، ئیرۆ دانێ سبێ دەنگێ تەقینێن مەزن ل ناڤا بارەگەهێن هێزێن سەر ب ئیرانێ ڤە ل باژارۆکێ مەیادین یێ ل سەر سینۆرێ سووریە – ئیراقێ هاتن بهیستن.
رەوانگەهـ دبێژە، ئەگەرە ئەڤ ئێریش ژ ئالیێ هێزێن هەڤپەیمانیا ناڤدەولەتی ڤە هاتبە کرن، وەک بەرسڤەکێ ل سەر ئێریشا شەڤا بۆری یا ل سەر زەڤیا ئەل – ئۆمەر یا پەترۆلێ ل گوندەوارێ دێرازۆرێ.
ژ پشتی شەرێ د ناڤبەرا ئیسرائیل و حەماسێ د جۆتمەها 2023ان ڤە، ئێریشێن ل سەر بارەگەهێن لەشکەری یێن ئه‌مەریکا و هەڤپەیمانیا ناڤدەولەتی ل سووریە و ئیراقێ زێدە بوونە.
ل گۆری رەوانگەهێ، د بەرسڤا ڤان ئێریشان، فرۆکەیێن ئه‌مەریکی 11 ئێرشێن ئاسمانی ل سەر بارەگەهێن گرووپێن چەکدارێن سەر ب ئیرانێ ڤە ل دێرەزۆرێ پێک ئانینە.
