ئانتۆنی بلنکن گەھشت ئیسرایلێ

 وەزیرێ دەرڤەیێ ئامەریکایێ ئانتۆنی بلنکن ژ عەرەبستانا سعوودیێ گەھشت تەلەڤیڤا پایتەختا ئیسرایلێ و بریارە ب بەرپرسێن بلندێن وی وەلاتی رە دانووستاندنان ل سەر شەرێ غەززەیێ بکە.

ئیسرایل وەلاتێ پێنجێیە کو وەزیرێ دەرڤەیێ ئامەریکایێ د دەما کێمتر ژ دو رۆژان دە سەردانا وان دکە، ئەجندایا سەرەکی یا سەردانا وی ژی نەھێلانا بەلاڤبوونا شەرێ غەززەیێ بۆ ناڤ وەلاتێن دن و سەرھلدانا شەرەکێ ھەرێمییە.

بەری ئیسرایلێ، بلنکن سەردانا ترکیە، یەونان، قەتەر، ئوردن و عەرەبستانا سعوودیێ کر. د تەڤایا سەردانێن خوە دە ژی، تەکەز ل سەر زێدەکرنا ئالیکاریێن مرۆڤی ژ بۆ غەززەیێ و پاراستنا سڤیلان کر.

ژ دەستپێکا سەرھلدانا شەرێ ئیسرایل و حەماسێ ھەتا نھا، ئەڤ سەردانا وەزیرێ دەرڤەیێ ئامەریکایێ ژ بۆ ئیسرایلێ سەردانا وی یا پێنجێ یە.

پێشتر وەزارەتا دەرڤەیا ئامەریکایێ راگەھاندبوو، سەردانا ئانتۆنی بلنکن ژ بۆ رۆژھلاتا ناڤین ھەتا 11 ڤێ مەھێ دێ ڤەکێشە، ژ ترکیەیێ دەست پێ دکە و ل مسرێ ب داوی دبە.