هێزێن هەڤپەیمانیا ناڤدەولەتی ب بەشداریا هێزێن سووریا دەمۆكراتیک، راهێنانەکە لەشکەری ل گوندەوارێ باکورێ دێرازۆرێ پێک ئانین.
روانگه‌ها سووری یا مافێن مرۆڤان راگهاند، ئیرۆ رۆژا سێشه‌می 9/1/2024ێ هێزێن “هەڤپەیمانیا ناڤدەولەتی” ب بەشداریا هێزێن سووریا دەمۆكراتیک هه‌سه‌دێ راهێنانەکە لەشکەری یا هه‌ڤپار ژ بۆی بلندکرنا ئامادەهیا شەر یا هێزێن خوە، پێک ئانین.
د راهێنانێ ده چه‌كێن گران راستین هاتن بكارئانین و ئه‌ڤ چالاكیا هه‌ڤپارا هه‌سه‌دێ و هه‌ڤپه‌یمانان ل بنکەیا کێلگەها گازێ یا کۆنیکۆ ل گوندەوارێ باکورێ دێرازۆرێ هات ئه‌نجام دایین.
کۆمێن کو ئیران پشتگرییا وان دکە ل سەر ئارمانجکرنا بنگەهێن ئه‌مەریکی ل سووریێ به‌رده‌وامن، هەڤدەم ئه‌مەریکا ژ ئالییێ بەژایی و ئاسمانی ڤە جهێن کو ملیسێن ئیرانی ل رۆژهلاتێ فەراتێ لێ بجهـ بوونە، بۆمبه‌باران دكه.
رەوانگەها سووری بۆ مافێن مرۆڤان دوهـ ژی دیار کربوو کو راهێنانەکە لەشکەری ژ ئالیێ هێزێن ئامەریکی ڤە، ب بەشداریا هه‌سه‌دێ ب گوللـەیێن راستین، ل بارەگەها قەسراک ل گوندەوارێ باکورێ حەسەکێ پێكهاتبوو.
