وەزیرێ ناڤخوەیێ ئیرانێ راگھاند، ناسنامەیا ھەر دو خوەکوژێن کو ل باژارێ کرمانێ ئێرشا تەرۆریستی پێک ئانی، ھاتن ئاشکەرەکرن.
ل باژارێ کرمانێ، رۆژا 3 چلەیا 2024 دو تەقین د مەراسیما بیرئانینا کوشتنا قاسم سلێمانی دە روو دابوون و 95 کەس ھاتبوون کوشتن و زێدەتر ژ 284 کەسێن دن ژی بریندار بووبوون.
د ڤێ دەربارێ دە، وەزیرێ ناڤخوە یێ ئیرانێ ئەحمەد وەحیدی ئیرۆ چارشەمێ گۆت، یەک ژ خوەکوژان وەلاتیەکی تاجیکستانێ بوو و یێ دن ژی ئەگەر ھەیە ئەو ژی تاجیکی بە.
ئەحمەد وەحیدی دیار کر ژی، ھندەک کەسێن کو پێوەندیا وان ب ڤێ ئێریشا تەرۆرستی رە ھەبوونە، ھاتنە گرتن و دەست دانینە سەر کەلووپەلێن وان.
پێشتر ژی، دۆزگەرێ گشتی یێ کرمانێ مەھدی بەخشی د ڤێ دۆسیەیێ دە بریارا دەستەسەرکرنا 32 کەسان دابوو و نھا ئەو د بن لێکۆلینێ دە نە.
