چه‌ندرمه‌یان ئیشكه‌نجه‌یه‌كه گران ل خۆرتەکی كورد كرن کو ژ گوندەوارێ باکورێ حەمایێ دەربدەر بوویه و د خوه‌ست ب رێیێن قاچاغ ژ سینۆرێ سووریێ – ترکیێ دەرباس ببه، هه‌روه‌ها 15 كه‌سێن دن ژی كو د خوه‌ستن سینۆران ببه‌زینن ده‌سته‌سه‌ر كرن.
رەوانگەها سووری یا مافێن مرۆڤان ئیرۆ رۆژا شه‌می 13/1/2024ێ راگهاند كو ئەو خۆرت ژ بەر گرانیا رەوشا وی بۆ نەخوەشخانەیەکە باژارێ ئدلبێ هات ڤەگوهەستن، د هەمان دەمێ دە 15 كۆچبه‌رێن كو جه‌ندرمه‌یان ده‌سته‌سه‌ر كرنه بۆ ناڤەندێن تایبەت یێن بنچاڤکرنێ یێن پەنابەران هاتن ڤەگوهەستن، بێیی کو هەتا ڤێ کێلیێ چارەنڤیسا وان وەرە زانین.
تەڤی خه‌ته‌ری و مەترسیان، گەلێ سووریێ ژ به‌ر ژیانا دژوار، هه‌ول دده ده‌رباسی وه‌لاتێن جیران ببه ژ وان ژی وه‌لاتێ تركیێ.
د 7ێ چلەیێ دە، جه‌ندرمه‌یان كه‌چه‌كه كۆچبه‌ر یا ژ باژارۆكێ قه‌ستوونێ بریندار كربوو، روانگه‌ها سووری ل وێ ده‌مێ ئاشكه‌ره كربوو ئه‌و كه‌چ ل به‌ر ده‌ریێ مالا خوه بوو وه‌ختا جه‌ندرمه‌یان گوللـه لێ ره‌شاندین و ب وێ سه‌ده‌مێ برینه‌كه گران د لنگێ وێ ده چێبوو
