وه‌زاره‌تا كارێن ده‌رڤه یا فرانسایێ زانین دڤێ ئێرشێن ئیرانێ یێن سه‌ر ل هەولێرێ وەرن راوەستاندن و گۆت: ئەم حکوومەتا هەرێما کوردستانێ و حکوومەتا ئیراقێ پشتراست دکن کو ئەم ب تمامی هەڤسۆزێن وانن و ئەم ب وان رەنە.
سوپایا پاسداران یا ئیرانێ شەڤا بۆری ب مووشەکێن بالیستیک ئێرشی هەولێرێ کر.
وەزارەتا کارێن دەرڤە یا فرانسایێ ب رێیا داخویانیەکێ ئەڤ ئێرشێن ئیرانێ شەرمەزار کرن و گۆت: «ئەم حکوومەتا هەرێما کوردستانێ و حکوومەتا ئیراقێ پشتراست دکن کو ئەم ب تمامی هەڤسۆزێن وانن و ئەم ب وان رەنە».
وەزارەتا کارێن دەرڤە یا فرانسایێ دەستنیشان کر کو «دڤێ ئەڤ ئێرش وەرن راوەستاندن» و پێ دە چوو: فرانسا ئێرشێن مووشەکی یێن سوپایا پاسدارانا ئیرانێ یێن ل هەولێرا پایتەختا هەرێما کوردستانێ ب توندی شەرمەزار دکە. ئەڤ ئێرش بنپێکرنا ئەشکەرە یا سەروەریا ئیراق و هەرێما کوردستانێ نە و نایێن قەبوولکرن.
هەروها ئەڤ ئێرش دبن سەدەما زێدەبوونا تەڤلیهەڤیێن ل هەرێمێ و دڤێ وەرن راوەستاندن
