وەزارەتا دەرڤە یا بەحرێنێ ئێریشا مۆشەکی یا ئیرانێ بۆ سەر ھەولێرێ شەرمەزار دکە، کو بوو سەدەما شەھیدبوونا ھەژمارەکا وەلاتیێن سڤیل و زرار گەھاند مال و ملکێن گشتی و تایبەتی.
وەزارەتا دەرڤە یا بەحرێنێ ئیرۆ (چارشەمبێ، 17/1/2024) د راگەھاندنەکێ دە ئێریشا مۆشەکی یا ئیرانێ بۆ سەر ھەولێرێ شەرمەزار کر، کو بوو سەدەما شەھیدبوونا ھەژمارەکا وەلاتیێن سڤیل و زرار گەھاند مال و ملکێن گشتی و تایبەتی.
ھەروەسا وەزارەتا دەرڤە یا بەحرێنێ د وێ راگەھاندنێ دە دلسۆزی و ھەڤخەمیا خوە ژی ژ بۆ گەلێ کوردستانێ دیار کریە.
دوشەمبا بۆری، 15/1/2024، ب بەھانەیا ھەبوونا بنگەھەکا مۆئسادا ئسرایلێ ل ھەولێرێ، ئارتێشا پاسدارێن ئیرانێ ب چەند مۆشەکێن بالستی ئێریش کر سەر ھەولێرێ و مالا وەلاتی پێشرەو دزەیی، کو بازرگانەکێ مەزنێ ھەرێما کوردستانێ بوو، کر ئارمانج.
ژ ڤەرێژا وێ ئێریشێ، پێنج وەلاتی شەھید بوون و شەش وەلاتیێن دن ژی بریندار بوون کو پرانیا وان ئەندامێن مالباتا پێشرەو دزەیی نە.
ژ بۆ دووڤچوونا راستیان، شێورمەندێ ئەولەھیا نەتەوەیی یا ئیراقێ قاسم ئەعرەجی کو سەرۆکێ لژنەیا لێکۆلینێ یا حکوومەتا ئیراقێیە سەردانا ھەولێرێ کر. پشتی سەردانا برینداران و خانیێن مۆشەکبارانکری، ئەعرەجی راگەھاند، “ئەو جھێ ھاتیە ئارمانجکرن مالا وەلاتیەکێ سڤیلە، نە کو بنگەھا مۆئسادا ئیسرایلێ یە”.
