ئاژانسا نووچەیان “رویتەرس” راگھاند، 4 بەرپرسێن پاسدارێن ئیرانێ ئیرۆ د ئەنجاما ئێرشەکا ئاسمانی یا ئیسرایلێ دە ل سەر ئاڤاھیەکێ ل شامێ دە ھاتن کوشتن.
رویتەرس ل سەر زارێ کو ب “ژێدەرەکی د ھەڤپەیمانیا ھەرێمی یا ئالیگرێن سووریێ دە” بناڤ کر، راگھاند کو ئێریشا ئسرایلی جڤینەکا بەرپرسێن پاسدارێن ئیرانێ و رێبەرێن ملیسێن ئیراقی یێن گرێدایی تەھرانێ، کریە ئارمانج.
ھەروھا ئاشکەرا کر ژی، د ناڤ کوشتیان دە “ئەبوو مونتەزر” سەرکردەیەکی ملیسێن ئیراقی یێن سەر ب ئیرانێ ڤە و بەرپرسێ ئیستخباراتا فەیلەقا قودسێ ل سووریێ “حاج سادق” ھەنە.
ژ ئالیێ خوە ڤە، سوپایێ پاسدارێن ئیرانێ ل سەر ھەژمارا خوە یا “تیلیگرام”ێ پشتراست کر، 2 شێورمەندێن لەشکەری یێن پلەبلند د ئێریشا ئیسرایلێ دە ل سەر ئاڤاھیەکا تاخا مەززەح یا شامێ دە ھاتنە کوشتن.
پێشتر ئاژانسا حکوومەتا سووریێ “سانا” گۆتبوو، ئیسرایلێ ئاڤاھیەکێ نشتەجھبوونێ ل تاخا مەززەح یا ل شامێ ئارمانجکرن و ئەگەرەک مەزن ھەیە کو ئێریش ژ ئالیێ ئیسرایلێ ڤە ھاتبە کرن.
ژ ئالیێ خوە ڤە، رەوانگەھا سووری یا مافێن مرۆڤ بەلاڤ کر، ئاڤاھیەک ل تاخا مەززەح ڤێلات یا رۆژئاڤا شامێ ب مووشەکەکێ ھات ئارمانجکرن و د ئەنجامێ دە، 5 کەس ھاتن کوشتن.
