فەرمانداریا ناڤەندی یا ئامەریکایێ (سێنتکۆم) د داخویانیەکێ دە راگھاند، گرۆپێن چەکدار یێن ئیراقی یێن کو ئیران پشتگریا وان دکە، ئێڤارا 20 چلە چەند مووشەکێن بالیستیک ئاڤێتن بارەگەھا ئەسمانی یا عەین ئەل-ئەسەد یا ل رۆژئاڤایێ ئیراقێ.
سێنتکۆم دا زانین، ژ بەر دەنگێ تەقینان چەند کارمەندێن ئەمریکی ژ سەرێ خوە دە ب باندۆر بوونە و لەشکەرەکی ئیراقی ژی بریندار بوو.
سێنتکۆم گۆت تەڤی کو سیستەما بەرەڤانیا ئاسمانی یا بارەگەھێ پرانیا مووشەکان خستنە خوارێ، لێ چەند مووشەک ل بارەگەھێ کەتنە و نرخاندن دەربارێ قەبارەیا زیانان تێ کرن.
کۆمێن چەکدارێن ئیراقی کو خوە وەک “بەرخوەدانا ئیسلامی ل ئیراقێ” بناڤ دکن، دوھ دەمژمێر 18:30 ب مووشەکان ئێریشی بارەگەھا ئاسمانی یا عەین ئەل-ئەسەد کرن.
پشتی ئێریشان، بەردەڤکێ فەرمانداریا گشتی یا ھێزێن چەکدارێن ئیراقێ یەحیا رەسوول گۆت، چەند مووشەک ل نێزیکی بارەگەھا لیوایا 29 یا فەرمانداریا ئۆپەراسیۆنێن جەزیرێ ل عەین ئەسەد کەتن. د ئەنجامێ دە لەشکەرەکی ئیراقی بریندار بوو و زیان گھیشتە بارەگەھێ.
