خوەنیشاندانێن جەماوەری یێن بەرفرەهـ ل سلێمانی، هەلەبجە و راپەرینێ، هه‌ر وها ل سۆران و رانیه ل دژی ئێریشێن مۆشەکی یێن ئیرانێ یێن ل سەر هەرێما کوردستانێ دەست پێ کرن.
ئیرۆ رۆژا سێشه‌می 23\1\2024ێ ل دژی ئێریشێن مۆشەکی یێن ئارتێشا پاسدارێن ئیرانێ ل سەر هەرێما کوردستانێ، وەلاتیێن باژارێن سلێمانی، هه‌له‌بجه و راپه‌رینێ، هه‌ر وها باژێرێن سۆران و رانیه خوه‌نیشاندان كرن، ژ بۆ كو نه‌رازیبوونا خوه ده‌ربارێ ئێریشا كو ئیرانێ ل حه‌فته‌یا رابووری ل سه‌ر هه‌ولێرێ كربوو نیشان بدن.
هەژمارەکا رێکخستنێن جڤاکا سڤیل بانگی خەلکێ سلێمانیێ کربوون ژ بۆ کو وەکی باژار و باژارکێن دن یێن کوردستانێ هەڤدەنگی هەبە ل دژی وێ تاوانێ یا کو ئیرانێ ل بەرانبەری پایتەختا هەرێما کوردستانێ کریە، خوه‌نیشاندانان بكن.
ل رۆژێن رابووری ل هه‌ر یێك ژ باژێرێن هه‌ولێرێ، دهۆكێ، زاخۆ و ئاكرێ و هه‌ژماره‌كه باژارۆكێن دن یێن هه‌رێما كوردستانێ، هه‌ر وه‌ها كوردێن ل سه‌رانسه‌ری دنیایێ، خوه‌نیشاندانێن به‌رفه‌ره‌هـ ل دژی ئێریشا ئیرانێ یا ل سه‌ر هه‌ولێرێ ل دارخستن و تێ ده وان ئه‌ڤ ئێریش ب ته‌رۆریست، نه‌مرۆڤی و ب بێ هنجه‌ت ناڤ كرن.
