واشنگتۆن گلۆپا کەسک ژ بۆ فرۆتنا فرۆکێن F-16 بۆ ترکیێ هەلکر

 وەزارەتا دەرڤە یا ئامەریکایێ پشتگریا فەرمی یا فرۆتنا فرۆکەیێن F-16 بۆ ترکیەیێ، ژ بۆی کۆنگرێسا ئامەریکایێ شاند.

پشتی کو ترکیەیێ ئەندامەتیا سوێدێ بۆ ناتۆیێ پەسەند کری، ژ ئامەریکا و کانادایێ بریارێن ئەرێنی بۆ ئەنقەرەیێ تێن دایین.

ئاژانسا فەرمی یا ترکیەیێ “ئانادۆلو” راگھاند، وەزارەتا دەرڤە یا ئامەریکایێ پشتگریا فەرمی یا فرۆتنا بالافرێن F-16 بۆ ترکیەیێ ژ بۆی کۆنگرێسا ئامەریکایێ شاندیە و گەر ھەتا 15 رۆژان چ نەرازیبوون پەیدا نەبن، دێ پێڤاژۆیا فرتۆتنا فرۆکەیان ب ئەنجام ببە.

پەنتاگۆنێ ژی دوھی ئینتیێ راگھاند، وەزارەتا دەرڤە ل سەر ئەگەرا فرۆتنا فرۆکەیێن شەری یێن F-16 و ئالاڤێن پێوەندیدار ب 23 ملیار دۆلاران بۆ ترکیەیێ رازی بوویە.

ترکیەیێ داخوازا کرینا 40 فرۆکەیێن F-16 و ئالاڤێن پێشخستنا 80 فرۆکەیێن دن ژ ئامەریکایێ دکە.

بەرپسێن ئامەریکی ب بەردەوامی دگۆتن، پەژراندنا ترکیەیێ یا ژ بۆ ئەندامتیا سوێدێ د ناتۆ دە، دێ رێ ل بەر ئەنقەرەیێ ڤەکە کو فرۆکەیێن F-16 یێن ئامەریکی بکرە.

دوھی سەرۆککۆمارێ ترکیەیێ رەجەب تەییب ئەردۆگان ببیر خستبوو کو وان ئەندامەتیا سوێدێ بۆ ناتۆیێ پەسەند کریە و بانگا تەمامکرنا پرۆسەیا فرۆتنا فرۆکەیێن F-16  بۆ وەلاتێ خوە کربوو.

ژ ئالیەکی دن ڤە ئاژانسا “رویتەرس” ژی د نووچەیەکێ خوە دە رادگھینە، کانادایێ دۆرپێچا چەکان ل سەر ترکیەیێ راکریە.