دەم پارتی ل گۆر ئەنجاما ھەڤدیتنا بریارێ ل سەر کاندیدێ خوە بۆ ستەنبۆلێ ددە!

د دەربارێ  ھلبژارتنێن ستەنبۆل و 3 باژارێن دن یێن ترکیێ، د ناڤبەرا جەهەپێ و دەم پارتیێ دە ھەڤدیتن بەردەوامن. ژ بەر وێ یەکێ ژی ھەتا نھا دەمێ بریار نەدایە کا دێ ل ستانبۆلێ بەربژێرەکی دەستنیشان بکە یان نا. ئەڤ یەک ل گۆرا ئەنجاما ھەڤدیتنێن دەمێ و جەهەپێ دێ هێت دیارکرن. ھەروەھا تێ زانین کو، ھندەک ھەڤدیتنێن نھینی د ناڤبەرا ئاک پارتیێ و دەمێ دە ژی ژ بۆ ستانبۆلێ ھەنە.

بەرپرسەکی دەمێ ل سەر ڤێ مژارێ داخویاکرن کو، د چارچۆڤەیا نیقاشێن د ناڤا پارتیێ دە ھاتنە کرن دە ھەتا نھا بریارەکا زەلال نەھاتیە دان و گۆت، د ئەنجاما دانوستاندنان دە ئەو دێ د داویێ دە ھەلوەستا خوە یا ل ھەمبەر ستەنبۆلێ ئەشکەرە بکن.

د بەردەوامیا داخویانیا خوە دە بەرپرسێ دەمێ گۆت:

“دەما کو ئەم ل مەیلا ستەنبۆلێ دنێرن، ئەم د ئۆرتێ دە رادوەستن. ھەر تشت تەنێ ب دەستپێسخەریا مە پێش ناکەڤە. ھەر وھا گرینگە کو ئالیێن دن چاوا تەڤدگەرن. ئەم نھا دخوازن د رێڤەبرنا باژارێن رۆژئاڤا دە ببن شریک. د ڤێ رێڤەبەریێ دە خوەدی گۆتن بن. گەر ئەڤ دەردۆر چێببە دێ ھەڤکاری دەرکەڤە ھۆلێ. تەنێ دەنگدان نە ھەڤکارییە.”