ئاژانسا سکای نیوس راگەھاند کو ئەنیا بەرخوەدانێ یا ئیسلامی ل ئیراقێ ئاشکەرا کر، چار بنکەیێن لەشکەری یێن ل سووریە و ئوردنێ کرنە ئارمانج و 3 لەشکەرێن ئامەریکایێ ھاتنە کوشتن و چەند لەشکەرێن دن ژی بریندار بوونە.
ل گۆر داخویانیا ھەمان گرۆپا ملیس بەلاڤ کریە، ب رێیا درۆنان ڤە بنکەیێن ئەل شەدادی و بنکەیێ رەکبان و بنکەیێ تەنەفێن لەشکەرێن ئامەریکایێ ل سووریێ کرنە ئارمانج و ھەروەھا ل ناڤخوەیی فلیستینێ ژی سازیا دەریایی زێڤولون کرنە ئارمانجا ئێریشێ.
ئەنیا بەرخوەدانا ئیسلامی ل ئیراقێ راگەھاند کو دێ ئێریشێن ل سەر بنکەیێن ئامەریکایێ بەردەوام بکن و ڤێ وەک پشتەڤانیا خەلکێ غەززێ دێ زێدەتر ژی بکن.
ئاژانسا سکای نیوس راگەھاند کو حکوومەتا ئوردنێ رەد دکە کو ل ناڤ ئوردنێ ئێریش ل سەر بنکەیێ لەشکەری یێ ئامەریکایێ پێکھاتبە، لێ فەرمانداریا ناڤەندی یا ئامەریکایێ راگەھاند، بنکەیەکی لەشکەری ب رێیا درۆنان راستی ئێریشێ ھاتیە و د وێ ئێریشا ل باکورێ ئوردنێ پێکھاتی دە 3 لەشکەرێن ئامەریکایێ ھاتنە کوشتن، 25 لەشکەر ژی بریندار بوونە.
