ئارتێشا تركیێ د ئێریشه‌كێ ده كو ل رۆژئاڤا كوردستانێ ئه‌نجام داییه، دو چه‌كدارێن یه‌په‌گێ كوشتن و راگهاند ئۆپه‌راسیۆنێن وان یێن ل دژی ته‌رۆرێ وێ بدۆمن.
ئاژانسا ئه‌نادۆل ئیرۆ رۆژا چارشه‌می 31\1\2024ێ به‌لاڤ كر كو ئارتێشا تركیێ ل هەرێمێن مەرتالێ فەراتێ و کانیا ئاشتیێ یێن ل باکورێ سووریەیێ 2 چه‌كدارێن یه‌په‌گێ «باسكێ له‌شكه‌ری یێ په‌كه‌كێ ل رۆژئاڤا كوردستانێ» كرنه ئارمانج.
وەزارەتا پاراستنا نەتەوەیی یا تركیێ گۆت: «هێزێن مەیێن چەکدار، ل هەرێمێن مەرتالێ فەراتێ و کانیا ئاشتیێ یێن ل باکورێ سووریەیێ دو چه‌كدارێن په‌كه‌كێ\یه‌په‌گێ بەریا کو بگهێژن ئارمانجێن خوە، كرن ئارمانج. ئۆپەراسیۆنێن مە هەتا تەرۆریستێ داوین بێ دێ بدۆمن».
یه‌په‌گێ ژی ناسنامه‌یا چه‌كداره‌كی خوه ئاشكه‌ره كر كو رۆژا دوشه‌میا رابووری 29\1\2024 د ئێریشه‌كه تركیێ ده ل سینۆرێ حه‌سه‌كێ هاتبوو كوشتن.
