ئارتێشا ئیسرایلێ راگەھاند، ئیرۆ 31/1/2024 بالەفرێن وان یێن شەر ب دەھان پێگەھێن ئارتێشا سووریێ ل ناڤچەیا دارا یا ل باشوورێ سووریێ بۆمبەباران کرنە و ئەڤ وەک بەرسڤەک ژ بۆ وان ئێریشێن مووشەکی یێن ژ سووریێ ڤە ل سەر بلنداهییێن جۆلانێ ھاتنە کرن پێکھاتیە.
شەڤا بۆری 3 مووشەک ژ سووریێ ڤە ژ بۆ بلنداهییێن چیایێ جۆلان یا ل باشوورێ ئیسرایلێ ھاتن ئاڤێتن.
ل گۆر چاپەمەنیا ئیسرایلێ د وێ ئێریشا مووشەکی یا ل سەر جۆلانێ دە چ زیانەک نەبوویە.
ھەمان دەمێ دە ئیرۆ چاپەمەنیا ئیسرایلێ بەلاڤ کر، ھێزێن ئیسرایلێ ب توندی تۆپبارانا ناڤچەیێن باشوورێ لوبنانێ کریە.
چاڤدێرێن رەوشێ دبێژن شەرێ ناڤبەرا ئیسرایل و حەماسێ ئالۆزیێن ل سووریێ و لوبنانێ زێدەتر کرینە و ھەر کو دچە مژا نەسەقامگریێ و بەرفرەھبوونا ئالۆزیێ ل ھەرێمێ زێدەتر دبە.
