ئیرۆ 1/2/2024ێ ئاژانسا رویتەرسێ راگەھاند کو ئیرانێ بریار دایە ھەژمارا بەرپرسێن خوەیێن ل سووریێ کێم بکە و د چارچۆڤەیا وێ بریارێ دە ژی سپاھا پاسدارێن ئیرانێ ھەژمارەک ژ فەرماندار و شێورمەندێن خوەیێن لەشکەری ل سووریێ ڤەکێشاندیە.
ھێژایی گۆتنێیە ئەو بریارا ئیرانێ د دەمەکی وسا دەیە کو د وان دەمێن داویێ دە ئیسرایلێ ب مووشەک و بالەفرێن شەر ئێریشی شێورمەند و فەرماندارێن پایەبلندێن سپاھا پاسداران کر و د چەند ئۆپەراسیۆنان دە گەلەک شێورمەند و فەرماندارێن پایەبلندێن سپاھا پاسداران کوشتن.
ل گۆر چاڤدێران، ئەڤ یەک ترس و ڤەکێشینا زێدە یا ئیرانێ یە ژ ڤی شەری و ھەوار ھەوارا دەستھلاتدارێن ئیرانێ یا ل دژی ئیسرایلێ دکرن و د جیھا بەرسڤا بۆمبەبارانا ئیسرایلێ بدن دە فەرماندارێن پاسداران یێن ل سووریێ ڤەدکشینن، نیشانەیا زێدە یا ترسا ژ وی شەری یە.
