ھەڤدەم ب لێدانا ئاسمانی یا ئامەریکایێ ل سەر بارەگەھێن ملیسان ل ئیراق و سووریەیێ، دەستھلاداریا دادوەرییا ئامەریکایێ سزایێن نوو ل سەر چاڤکانیەک دن یا دارایی یا پاسدارێن ئیرانێ سەپاندن.
وەزیرا دادێ یا ئامەریکایێ مێریک گارلاند و سەردۆزگەرێ گشتیجیێ مانھاتن دانیال ویلیامس، ژ 7 کەسان رە ب تۆمەتا تەرۆرێ و سپیکرنا پارەیان سزا کرن کو ئەو بەشەکن ژ تۆرەکا سپیکرنا پارەیان و ژ ئالیێ پاسدارێن ئیرانێ ڤە تێ برێڤەبرن.
دەستھلاداریا دادوەری د داخویانیەکێ دە راگھاند، “مە ھەژمارەک ژ بەرپرس ئیرانێ و کادرۆیێن کو ب ئەسلێ خوە ترکن و د گرۆپەکا ئەنەرژیێ یا ل ئەنقەرێ دە نە، ب تاوانا سپیکرنا پارەیان و فرۆتنا پەترۆلا ئیرانێ بۆ کریارێن چینی، رووسی و سووری، ژ بۆ پارەدارکرنا سوپایا قودسا پاسدارێن ئیرانێ کو پشتەڤانیا تەرۆرێ دکە، سزا کرن.”
ئۆفیسا سەردۆزگەریا گشتی یا فەدەرال ل مانھاتنێ ژی گۆت، دێ دەست دانینە سەر 108 ملیۆن دۆلاران کو کۆمپانیایێن پاسدارێن ئیرانێ ھەول دانە وان سپی بکن.
گارلاند گۆت: “ئیران ژ بۆ فرۆتنا پەترۆلێ کانالێن بازارێ رەش بکار تینە، ژ بۆ پارەدارکرنا چالاکیێن خوە یێن تاوانکار و پشتگریکرنا پاسدارێن ئیرانێ، چەکدارێن حەماس، حزبولاھا لبنانی و کۆمێن دن یێن ملیسێن ئیرانی.”
ئەڤ یەک د دەمەکێ دەیە، فەرمانداریا ناڤەندی یا ئامەریکایێ (سێنتکۆم) راگھاند، وان ل ئیراق و سووریەیێ ل 85 ئارمانجێن فەیلەقا قودسا سەر ب سوپایا پاسدارێن ئیرانێ ڤە دانە.
