حافزە گایە ئەرکان ژی چارە ژ بۆ کریزا ئابۆری یا ترکیێ نەدیت و دەست ژ کار بەردا
سەرۆکا بانکا ناڤەندی یا ترکیێ حافیزە گایە ئەرکان، کو ھەری داوی ب ئیدیعایێن بابێ خوە دەرکەتبوو پێش، ژ وەزیفەیا خوە ئیستیفا کر. پشتی ئیستیفاکرنا وێ، فاتیح کاراھان ل شوونا وێ بوو سەرۆکێ بانکا ناڤەندی.
ئابۆریا ترکیێ د رەوشەک پر خراب رە دەرباس دبە. ژ بۆ کو ئابۆریا ترکیێ باش ببە، حکوومەتا ئەردۆگان محەمەد شیمشەکێ کورد جارا دویەم کر وەزیرێ ئابۆریێ و محەمەد شیمشەک ژی ژ بۆ کو رەوشا ئابۆری یا ترکیێ و کریزا کو بانکا ناڤەندی تێ دەیە باشتر بکە، حافیزە گایە ئەرکان ژ ئامەریکایێ ئانی و کر سەرۆکا بانکا ناڤەندی یا ترکیێ.
ترکیا بوویە وەلاتەکی گەندەلی، بەرتیلخوری، دزی و مافیایێ. ژ بەر ڤێ یەکێ ھەر رۆژ ئالاڤ و پێدڤیێن ژیانێ بوھاتر دبن، فایز بلند دبە و ئابۆرییا وەلات رۆژ ب رۆژ بەر ب خرابیێ ڤە دچە. دەست ژ کار بەردانا حافیزە گایە ئەرکان ژی دیار کر کو چارەسەرکرنا کریزا ئابۆری یا ترکیێ ئێدی زەحمەتە.
