ل باژارێ دیلۆکێ یێ باکورێ کوردستانێ د ئەنجاما کەتنا ھەلیکۆپتەرێ دە 2 کەسان جانێ خوە ژدەست دان.
وەزیرێ ناڤخوە یێ ترکیەیێ عەلی یەرلیکایا ل سەر تۆرا جڤاکی “X” راگھاند، ھەلیکۆپتەرەکا رێڤەبەریا گشتی یا پۆلیسان ل باژارۆکێ نوورداگێ یێ سەر ب دیلۆکێ ڤە کەتە خوارێ.
یەرلیکایا دیار کر، د ئەنجاما کەتنا ھەلیکۆپتەرێ دە، 2 پیلۆتان جانێ خوە ژدەست دانە و تەکنیککارەکی ھەلیکۆپتەرێ ژی بریندار بوویە.
ل گۆری داخویانیێ، دوھ دەمژمێر 22:49 پێوەندی لگەل ھەلیکۆپتەرێ قوت بووبوو. دەربارێ سەدەما بوویەرێ دە ژی، لێپرسینا یاسایی ھات دەستپێکرن.
