رێڤەبەریا ناڤەندا دەمێ جڤیا و د دەربارێ دەستنیشانکرنا بەربژێرا ل باژارێن وەک ستەنبۆل و ئەنقەرێ بریار دا. ل گۆری ئاگاھیێن کو ل پشت پەردەیێ ھاتن گرتن، د ئەنجاما نیقاشێن درێژ دە بریار ھات دایین کو ل ستەنبۆل و ئەنقەرەیێ کاندید بێن دیارکرن. ناڤێ باشاک دەمیرتاش ژ بۆ ستەنبۆلێ و مەرال دانش بەشتاش ژ بۆ ئەنقەرەیێ دەردکەڤە پێش.
لژنەیا رێڤەبەریا ناڤەندی یا پارتیا دەمێ ب سەرۆکاتیا ھەڤسەرۆکێن گشتی تولای حاتیمۆگولار و تونجەر باکرھان جڤیا. ل گۆری ئاگاھیێن کو ل پشت پەردەیێ ھاتن گرتن، د ئەنجاما نیقاشێن درێژێن جڤینێ دە بریار ھات دایین کو ل ستەنبۆل، ئەنقەرە و ئیزمیرێ کاندید بێن دیارکرن.
د دەما کو ترکیە بالێ دکشینە سەر ھلبژارتنێن ھەرێمی یێن 31 ئادارێ، خەباتێن ھلبژارتنا کاندیدێن پارتیا دەمێ دەوام دکن. پر گرینگە کو پارتیا دەمێ بەربژارەکی دەستنیشان بکە، ب تایبەتی ل ستەنبۆلێ. ئەڤ یەک بابەتێ ھەری گرینگ د ھەڤدیتنێن ناڤبەرا جەهەپێ و دەمێ دەیە. ھەروەھا ھەڤدیتنێن نەھینی د ناڤبەرا ئاکەپێ و دەمێ دە ژی بەردەوامن. دخوەیە ڤێ جارێ ئاکەپە ژ جەهەپێ پێتر باندۆرا خوە ل دەمێ دکە.
ھەتا وەک ڤێ گاڤێ دەمێ بەحسا جورەیێن پێوەندیێن خوە ژ بۆی رایا گشتی نەدایە خویاکرن. لێ دخوەیە دەم ب تەمامی بەر ب چەپێن ترک ڤە دچە و ئەڤ یەک ھەم دەستنیشانکرنا بەربژێران دە و ھەم ژی ھەلوەستا رایادارێن دەمێ دە بێھتر دەردکەڤە پێش.
ھات دیارکرن کو بەردەڤکا پارتیێ ئایشەگول دۆگان دێ ئیرۆ د جڤینا چاپەمەنیێ دە ناڤێ کاندیدێن گەلەک باژاران ئەشکەرە بکە.
