بەردەڤکێ ئەنجوومەنا ئاسایشا نشتیمانی یا ئامه‌ریكایێ ئیرۆ راگهاند كو ئێریشێن وان یێن ل سەر ملیسێن ئیرانی ل ئیراق و سووریێ تەنێ ده‌ستپێكه و وان دێ به‌رسڤێن زێده‌تر هه‌بن.
جۆن كێربی ئیرۆ یەکشەمێ 4/2/2024ێ گۆت کو ئێرشێن ل سەر ئیراق و سووریێ تەنێ دەستپێکە و دێ مه بەرسڤێن زێدەتر هەبن، ئه‌و ئێریش ژ بۆ خوەپاراستنێ بوون.
كێربی گۆت: «ئامەریکا دخوازە ئالیکاریا حکوومەتا ئیراقێ بکە ل هەمبەر گەفێن کۆمێن چەکدار. هەروه‌ها ئاشکەرە کر کو ئێریشێن کۆمێن چەکدار ژ ئێریشێن ئامەریکایێ زێدەتر سەروەریا ئیراقێ بنپێ کریە.
ئیرۆ ژی شێورمەندێ ئاساییشا نەتەوی یا ئامەریکایێ جاك سوڵیڤان گۆت کو ئەوێ بەرسڤا ئێریش و گەفان بدن و بۆمبەبارانکرنا کۆمێن چەکداران ئۆپەراسیۆنەکە لەشکەری یا ڤەکرییە.
شێورمەندێ ئاساییشا نەتەوی یا ئامەریکایێ دبێژە، چ نیشان نینە کو ئیرانێ سیاسەتا خوە ل هەمبەر گرووپێن چەکدار گوهەرتیە.
ئامەریکا د بەرسڤا کوشتنا 3 سەربازێن خوه ده ل بارەگەها سینۆری یا ئوردنێ، دو رۆژان به‌رێ ئێریشی كۆمێن ملیسێن ئیرانێ و حه‌شدا شه‌عبی یێن ل ئیراقێ و سووریێ كر و ل 85 ئارمانجا خست.
