ئێریشی دادگەهەکا ستەنبۆلێ هات کرن، کوشتی و بریندار هەنە

دو چەکداران ئێریش کر سەر بنگەهەکا پۆلیسان ل دادگەهەکا ستەنبۆلێ. ئەو هەر دو چەکدار هاتن کوشتن و سێ پۆلیس و سێ وەلاتیێن سڤیل ژی بریندار بوون.

وەزارەتا دەرڤە یا ترکیەیێ د راگەهاندنەکێ دە ئەشکەرە کر، «سبەها ئیرۆ (سێشەم، 6.2.2024) نێزی سەعات 11:45، دو چەکداران ئێریشەکا تەرۆرستی کر سەر خالەکا پۆلیسان ل دادگەها چالایانێ یا ستەنبۆلێ. مەدیایێن ترکیەیێ دبێژن، «یەک ژ وان چەکداران مێر بوو، یەک ژی ژن».

ل دوو زانیارێن وەزارەتا ناڤخوە یا ترکیەیێ، د ڤەرێژا تەقەیا ناڤبەرا وان چەکداران و پۆلیسان دە، هەر دو چەکدار هاتنە کوشتن، سێ پۆلیس و سێ وەلاتیێن سڤیل ژی بریندار بوونە».

هەتا نها چ ئالیان بەرپرسیاریتیا خوە ل سەر وێ ئێریشێ دیار نەکریە. وەزارەتا ناڤخوە یا ترکیەیێ ژی دبێژە، «رووپەلێن لێکۆلینێ ژ بۆ وێ روودانێ هاتنە ڤەکرن».