فەرماندەهیا ناڤەندی یا ئامەریکایێ (سێنتكۆم) راگهاند، هێزێن وان ئێرشەک ل به‌غدایێ پێک ئانیە و تێ دە فەرماندارەکی حزبولاها ئیراقێ کرنە ئارمانج.
سێنتكۆم شەڤا بۆری د داخویانیەکێ دە راگهاند، «هێزێن مە رۆژا 7ێ سباتێ دەمژمێر 9:30 ئێڤارێ ئێریشەک ل ئیراقێ پێک ئانی، ئەو ژی وەک بەرسڤەکێ ژ ئێریشێن ل سەر لەشکەرێن ئامەریکی بوو».
د داخویانیێ دە گۆتن: «د ئەنجاما ئێریشێ دە، فەرماندارەکی حزبولاهێ کو د ئارمانجگرتن و پلانسازیا ئێریشا ل سەر هێزێن مە یێن ل هەرێمێ دە جهـ گرتبوو، هات کوشتن».
سێنتكۆم تەکەزی ل سەر وێ یەکێ کر ژی، «ئامەریکا ژ بۆ پاراستنا هێزێن خوە، دێ گاڤێن پێویست باڤێژە».
هەروها گۆت ژی: «ئەمێ دودلی نەبن ژ بۆ حەسابپرسینێ ژ هەموو کەسێن کو ئەولەکاریا هێزێن مە تەهدید دکن».
ل شه‌ڤا ده‌رباسبوویی ل ناڤچەیا مەشتەلێ یا به‌غدایێ ئۆتۆمۆبیلەک ژ ئالیێ درۆنەکێ ڤە هات ئارمانجکرن و د ئەنجامێ دە 3 کەس هاتن کوشتن کو 2 ژ وان سەرکردەیێن حه‌شدا شه‌عبی نه.
ل گۆری زانیاریان، 2 ژ کوشتیان سەرکردەیێن حه‌شدا شەعبی (ئەبوو باقر ساعدی و ئارکان عەلیاوی) هاتنە کوشتن و حزبوللاها ئیراقی ژی د داخویانیەکێ دە کوشتنا وان پشتراست کریە.
