ناڤەندا چاڤدێری کرنا مافێن مرۆڤان (HRW) راپۆرتەک دەربارێ ئێریشێن بالەفرێن جەنگی یێن ترکیێ یێن ل سەر رۆژئاڤایێ کوردستانێ (باکوور و رۆژهلاتێ سووریەیێ) بەلاڤ کریە.
د راپۆرتا خوە دە HRW دیار کریە کو، ترکیە ب زانەبوون و ب مەبەستا وێران کرن و ڤالاکرنا دەڤەرێ ئێریشی سەر ژێرخانا مەدەنی یا ڤێ دەڤەرێ دکە و ئەڤ یەک ژی تاوانەکە مەزن یا ئینسانیە.
د بەشەکە دن یا ڤێ راپۆرتا هان دە هاتیە دیارکرن کو رخمی زرارێن جانی هەڤدەم زرارێن گەلەک مەزن یێن مادی ژی بەر دەڤەرێ و ژێرخانا مەدەنی یا دەڤەرێ کەتنە و ترکیە ب زانەبوون ژێرخانا مەدەنی دکە ئارمانج و ئێریشێن ترکیێ ژی هەر دچە زێدەتر دبن.
د بەردەوامیا راپۆرتێ دە هاتیە گۆتن کو، ترکیە ب زانەبوون ژێرخانا تەندرۆستی دکە ئارمانج و دخوازە ب ڤێ ئاوایی شێنیێن دەڤەرێ ژ خزمەتگۆزاریێن تەندرۆستی بێپار بهێلە.
