ئالۆزیێن ل دەڤەرێ ددۆمن و چەکدارێن ئیرانی ژی یێن ل دەڤەرێ بەردەوامن ل سەر ئێریشێن خوە یێن ل دژی هێزێن ئامەریکی و رایەدارێن بەرێ یێن ئامەریکایێ ژی شیرەت ددن حکوومەتێ و دبێژن ل ئیرانێ بدن.
هەر یەک ژ جیگرێ بەرێ یێ سەرۆکێ ئامەریکایێ مایك پێنس و وەزیرێ بەرێ یێ دەرڤە یێ ئامەریکایێ مایك پۆمپێیۆ د گۆتارێن خوە دە ئەشکەرە کرنە کو، چاڤکانیا تەڤاهیا ئالۆزیێن ل دەڤەرێ دە ئیرانه و ئیران بەردەوامە ل سەر پشته‌ڤانیکرنا کۆمێن چەکدار و تەرۆریستان، لەورە لازمە حکوومەتا ئامەریکایێ بریارێ بدە و ئێریشی سەر ئیرانێ بکە.
ئەڤ هەر دو رایەدارێن ئامەریکی دیار کرنە کو، نها دەم باشترین دەمە بۆ ئێریش کرنا سەر ئیرانێ.
ئەڤ هەر دو کەسێن هان داخواز کرنە ئێریشی سەر ناڤەندێن ئەتۆمی یێن ئیرانێ و ژێرخانه‌یا ئابووریا ئیرانێ وەرە کرن و جەزایێن دژوار ل سەر رەژیما ئیرانێ وەرن سەپاندن.
