زێدەتری 600 سێرڤەرێن پەرلەمانا ئیرانێ تێن هاککرن و ب سەدان بەلگەنامەیێن نهێنی ژ ئالیێ هاککەران ڤە تێن بەلاڤکرن.
کۆما هاککەران یا سەرهلدان هەتا هەرفاندنێ راگەهاند، مالپەر و سێرڤەرێن ئاژانسا خانەیا مللەتێ یا گرێدایی پەرلەمانا ئیرانێ هاک کرنە و 600 سێرڤەرێن پەرلەمانێ خستنە بن دەستێ خوە.
د راگەهاندنا ڤێ کۆما هاککەر دە هاتیە، سێرڤەرێن سەرەکی یێن پەرلەمانێ، کۆمسیۆنێن پەرلەمانێ، ناڤهۆلا پەرلەمانێ، بانکا پەرلەمانێ، نڤیسینگەها سەرۆکاتیێ و جیگرێن پەرلامه‌نێ و ب دەهان سێرڤەرێن دی هاک کرنە و دەستێ خوە دانایە سەر ب سەدان بەلگەنامەیێن نهێنی کو هێدی هێدی دێ بەلاڤ بکن.
ڤێ کۆما هاککەران د پێنگاڤا خوە یا یەکێ دە لیستا مووچەیێن ئەندامێن پەرلەمانێ بەلاڤ کریە. پەرلەمانا ئیرانێ ب بەلاڤکرنا راگەهاندنەکێ هاککرنا سێرڤەرێن خوە پشتراست کر، لێ راگەهاند کو هەژمارەکا وان بەلگەنامەیێن هاتنە بەلاڤکرن سەختەنە.
