ل 16 باژاران د ئۆپەراسیۆنەکێ دە 120 کەس ب سه‌ده‌ما په‌كه‌كێ هاتن دەستەسەرکرن.
وەزیرێ کارێن ناڤخوەیێ ترکیێ عه‌لی یەرلیکایا ل سەر حەسابێ خوە یێ Xێ راگهاند کو ل 16 باژاران ل دژی په‌كه‌كێ ب ناڤێ «بۆزدۆگان» ئۆپەراسیۆنێن هەڤبەش هاتنە ئەنجامدان.
باژارێن کو لێ ئۆپەراسیۆن هاتنە كرن ئەڤن: مێردین، سێرت، رها، دێرسم، مەلەتی، جۆلەمێرگ، چەولیگ، قەرس، ئافیۆن، ئەنقەرە، ئایدن، هاتای، ئیزمیر، قەیسەری، کۆجائەلی و کۆنیایێ ئۆپەراسیۆنەکە ب ناڤێ بۆزدۆگان-2 دان دەستپێکرن.
یەرلیکایا دا زانین کو د ئۆپەراسیۆنان دە ب سه‌ده‌ما «ئەندامتی، ئالیکاری و پرۆپاگاندایا په‌كه‌كێ» 120 کەس هاتن دەستەسەرکرن.
یەرلیکایا ئیدیعا کر کو هنەکان ژ وان ل سەر مەدیایا جڤاکی پرۆپاگاندایا په‌كه‌كێ کریە و هنەک ژی د ناڤ رێخستنێن ل سووریێ دە جهـ دگرن کو مەبەستا وی باسكێن په‌كه‌كێ یێن ل رۆژئاڤایێ کوردستانێ نە.
هێزێن ئەولەهیێ یێن ترکیەیێ ڤان دەمێن داوی ب سه‌ده‌ما «ئەندامتی و پرۆپگاندەیا په‌كه‌كێ» ئۆپەراسیۆنێن خوە زێدە کرنە.
رۆژانە ل باکورێ کوردستانێ هنەک وەلاتیان دەستەسەر دکن کو پرانیا وان سیاسەتمەدار، بەرپرس و ئەندامێن دەم پارتیێ نە.
