چاڤکانیەکا ئەولەهیێ راگەهاندن، ل قەزایا راشدیێ ل باکورێ بەغدایێ ژ ئالیێ چەند چەکدارێن نەناس ڤە تەقە ل عەرەبەیەکێ تێ کرن، کو هەڤلنگەک و پسمامەکێ هادی عامری تێ دە هاتنە کشتن.
چاڤکانیەکا ئەولەهیێ ئیرۆ (یەکشەم، 18/02/2024) راگەهاند، د ئێریشەکا چەکداری دە ل قەزایا راشدیێ ل باکورێ بەغدایێ، دو کەسێن نێزی سەرۆکێ هەڤپەیمانیا نەبنی و ئەمیندارێ گشتی رێکخستنا بەدر هادی عامری هاتن کوشتن.
ل دوو زانیارێن دەستپێکی، ئەو کەسێن هاتنە کوشتن ل ناڤ رێکخستنا بەدر سەرکردە بوون و ناڤێ یەک ژ کوشتیان سەبری عامری یە کو پسمامێ هادی عامری یه و د هه‌مان ده‌مێ ده هەڤلنگێ وی یە.
پشتی وێ روودانێ، هێزێن ئەولەهیێ ل دەڤەرێ هاتنە بەلاڤکرن و لێکۆلینێن قانوونی د وی واری دە هاتنە دەستپێکرن. هەروەسا تێ پێشبینیکرن کو رێکخستنا بەدر د دەرهەقا کوشتنا وان هەر دو سەرکردەیان دە راگەهاندنەکێ بەلاڤ بکە.
هەروەسا هنه‌ك مەدیایێن ئیراقێ ژی بەحس دکن کو ئەو روودان ژ بەر ئارێشەیا عەردی بوویە، لێ بێ کو ئالیێ تەقەکەر بێ ئاشکەرە کرن.
