سەرۆکێ بەرێ یێ رەفۆرمخواز محەمەد خاتەمی د داخویانیەکێ دە گۆت کو وەلاتێ وی “دووری ھلبژارتنێن ئازاد و ھەڤرکیێ یە”.
ئەڤ داخویانی بەری دەستپێکرنا کامپانیا ھلبژارتنێن قانوونی، کو د دەستپێکا مەھا بێ دە تێ لدارخستن، وەک بانگا بایکۆتێ ھات نرخاندن، ژ ئالیێ دن ڤە بەرپرسێن پلەبلندێن رەژیمێ، ژ وان رێبەرێ رەژیمێ، عەلی خامنەیی، داخوازا زێدەکرنا رێژەیا بەشداریێ د ھلبژارتنێن یەکەم دە کر.
مالپەرێن نووچەیان یێن رەفۆرمخوازان بەلاڤ کرن کو خاتەمی د داخوویانیا خوە دە ژ بۆ ئەندامێن “پارتیا ھەڤگرتنا ئیرانا ئیسلامی” گۆتیە: “ئاخافتنا خامنەیی یا د دەربارێ ھلبژارتنان دە دکارە ئالیکاریا مە بکە کو ئەم نێزیکی ھلبژارتنێن باش ببن، لێ مخابن د پراتیکێ دە بەرەڤاژی قەومیە.”
ل گۆری نووچەیێن کو د مەدیا ئیرانێ دە ھاتیە بەلاڤکرن، خاتەمی دیار کریە کو “پڕ رەنگی، ئازادی و ھلبژارتنێن ھەڤرکی نایێ وێ واتەیێ کو بەشێن جودا نوونەرتیا گەلێ ئیرانێ دکن و تەنێ کەڤنەپەرەستان و رەفۆرمخوازان کاندیدێن خوە ھەنە”.
خاتەمی ھەر وھا دیار کر کو “رەفۆرم لگەل چ کەس، کۆم و سازیان ناکۆک نینە” و ئانی زمان کو ل وەلات نەرەحەتی و نەرازیبوونەک گشتی ھەیە.
