ده‌وله‌تا ترك راگهاند، به‌رپرسه‌كی په‌كه‌كێ یێ ب ناڤێ مورات كزل یێ ب ناڤێ كۆد مه‌زلووم مێردین ژ هێلا میتێ ڤه هات ده‌سته‌سه‌ر كرن، وه‌ختا كو هه‌ولا ده‌رباسبوونێ بۆ ئه‌ورۆپایێ دكری.
ئاژانسا ئه‌نادۆلو دوهـ رۆژا ئینی 23/2/2024ێ به‌لاڤ كر كو به‌رپرسێ په‌كه‌كێ مورات کزل یێ ب کۆدناڤێ “مەزلووم مێردین” ب ئۆپەراسیۆنا هەڤپارا میتێ و رێڤەبەریا گشتی یا ئەولەکاریێ هات ده‌سته‌سه‌ر كرن دەما هەول ددا برەڤە ئەورۆپایێ.
ده‌ستنیشان كر، ل گۆر ئاگاهیێن کو ژ چاڤکانیێن ئەولەهیێ هاتن هلدان، میتێ و سەرۆکاتیا دائیرەیا ئیستیخباراتێ جهێ کو مورات كزل كو ل دەرڤه‌ی وه‌لات خوە لێ ڤەدشێرە تەسبیت کر، دەمەکێ هات شۆپاندن، دەما هەول دا برەڤە ئەورۆپایێ هات گرتن.
هات دیارکرن کزلێ کو ئانین ترکیەیێ د سالا 2015ان دا تەڤلی په‌كه‌كێ ببوو، ل رۆژئاڤا و باشوورێ كوردستانێ د ئاستا بەرپرسیاریێ ده بوو.
