ل سووریێ ل ھەمبەر بنکەیەکی ئامەریکایێ ئێریش پێکھات

ل سووریێ جارەکا دن ب مووشەکان ئێریش ل سەر بنکەیەکی لەشکەری یێن ھێزێن ئامەریکایێ پێکھات.

ئاژانسا سکای نیوز راگەھاند کو ئیرۆ 26/2/2024 ب مووشەکان ئێریش ل سەر بیرا گازا کۆنیکۆ یا ل سووریێ کو ھێزێن ئامەریکایێ تێدەنە پێکھات.

ل گۆر ھەمان چاڤکانیێ ئێریش ژ ئالیێ گرۆپێن ملیسێن سەر ب ئیرانێ ڤە ھاتیە کرن و دەنگێ چەند تەقینان ھات بیھیستن، لێ زیانێن وێ ئێریشێ ھین نەھاتینە زانین.

پشتی دەستپێکرنا شەرێ ل غەززەیێ د ناڤبەرا تەڤگەرا حەماس و ئیسرایلێ دە، گرۆپێن ملیسێن سەر ب ئیرانێ ل ئیراق و سووریێ بنکەیێن لەشکەری یێن ئامەریکایێ دکن ئارمانجا ئێریشان.