رێخستنا پهكهكێ كو پشتی داعشێ شهنگال داگیر كرییه، دههان زیندانێن نهێنی ئاڤا كرنه، جوانێن مخالف، دژبهرێن فكرا ئاپۆ و پهكهكێ تێ ده دهستهسهر كرنه، ب كورتاسی ههر یهكێ نهرینهكا وی یا جودا ههبه، پهكهكه وی ب توهمهتا سیخۆریێ تێخه د ڤان زیندانان ده، تهڤی ڤێ زارۆكێن كو ژ هێلا پهكهكێ ڤه تێن رهڤاندن تێ ده ههنه.
زیندان 14 مهتران ژێر عهرد هاتیه ئاڤاكرن
زیندانا گوندێ بارێ ل شهنگالێ ل ژێر عهرد ب كووراتییا 14 مهتران هاتیه ئاڤا كرن، 6 حوجره ژ بۆی پاسهوان و كادرۆیێن رێڤهبهرێن زیندانێ تێ ده نه، ههر وها حوجرهیێن تاكهكهسی و یێن دن لێ نه، ژ حوجرهیا یهكهمین یا رێڤهبهرێ زیندانێ دهریهك لێ یه كو دچه سهر توونهلا گوندێ بارێ، ههر وها ل كێلهكا حوجرهیێن گرتیان دهریهكی دن یێ توونهلێ ههیه، حوجرهیێن گرتیان 3 ب 4 مهترن، یێن تاكهكهسی ژی 2 مهتر و بلنداهیا حوجرهیان 2 مهترن.
زیندان ب بهتوونێ هاتیه چێكرن، سیستهما گوههرینا ههوای تێ ده و ههر وها كامیرایێن چاڤدێریێ.
چاڤكانیێن داركا مازی ئاگاهی ژ ناڤا ڤێ زیندانێ دهست خستن، ل گۆری وان ئاگاهییان پرانییا كهسێن كو پهكهكێ ل ڤێ زیندانێ دهستهسهر كرنه، ب توهمهتا سخۆری و ئاژانییێ نه، دهست و لنگێن وان گرێداینه و ئیشكهنجهیهكه گران ل وان تێ كرن.
ئهندامێن رێڤهبهرییا زیندانا بارێ كی نه
زیندانا بارێ ژ هێلا 5 كادرۆیێن پهكهكێ ڤه تێ رێڤه برن، داركا مازی ناڤ و ئاگاهیێن وان دهستخستن، ناڤ ووسانه:
