سەرۆکێ حکوومەتا هەرێما کوردستانێ ل سەر تۆرا جڤاکی یا X پەیامەکێ ل سەر جڤینێن خوە یێن ب بەرپرسێن وەزارەتا دەرڤە یا ئه‌مه‌ریكایێ رە بەلاڤ دکە.
سەرۆکێ حکوومەتا هەرێما کوردستانێ ئیرۆ (سێشەمێ 27.02.2024) ل سەر تۆرا جڤاکی یا X راگەهاندیە کو، د جڤینێن خوە یێن ب بەرپرسێن وەزارەتا دەرڤە یا ئه‌مه‌ریكایێ رە داخوازا پشتەڤانیا بەردەواما ئه‌مه‌ریكایێ ژ بۆ سیستەم و مافێن دەستووری یێن هەرێما کوردستانێ کریە.
سەرۆکوەزیر مەسروور بارزانی ئاماژە دایە وێ یەکێ ژی کو، ب هەڤپارێن خوە ل وەزارەتا دەرڤە یا ئه‌مه‌ریكایێ رە بەحسا پەیوەندیێن هەولێر و بەغدایێ کریە، هەروەسا داخوازا پشتەڤانیا بەردەواما ئه‌مه‌ریكایێ ژ بۆ سیستەم و مافێن دەستووری یێن خەلکێ هەرێما کوردستانێ کریە.
سەرۆکێ حکوومەتا هەرێما کوردستانێ بەحسا وێ یەکێ ژی کریە کو، ب بەرپرسێن وەزارەتا دەرڤە یا ئه‌مه‌ریكایێ رە بەحسا رێیێن دەستپێکرنا هناردەکرنا پەترۆلا هەرێما کوردستانێ کریە.
سەرۆکوەزیرێ هەرێما کوردستانێ د دەرحەقا شنگالێ دە ژی ئەشکەرە کریە کو، هەلوەستا وان رۆنە کو پشتی 10 سالان ژ ژەنۆسیدێ پێدڤییە لهەڤکرنا شنگالێ بێ بجهانین، ژ بۆ کو ئێزدی ڤەبگەرن سەر وارێ باب و کالێن خوە.
وەکی کو سەرۆکوەزیرێ هەرێما کوردستانێ بەحس کریە، ئەو دێ ل سەر بەرگریکرنا ژ مافێن هەمی پێکهاتان بەردەوام بن و دێ وەکی پەناگەهـ ژ بۆ ئاوارەیان بمینن.
