رۆژنامەیا «ئهلـ -عهرهب» دوهـ د راپۆرتەکێ دە، گرنگی خستە سەردانا سەرۆکوەزیر مەسروور بارزانی یا ل سەر داخوازكرنا ئهمهریكایێ بۆ واشنگتۆنێ و گۆت: ئەڤ سەردان پەیامەکە ئەشکەرەیە ژ بۆ نووکرنا گرنگیپێدانا ئهمهریكایێ ب هەرێما کوردستانێ، د دەمەکێ دە پێشهاتێن د ناڤبەرا ئهمهریكا و ئیراقێ دە نە ئەرێنینە.
رۆژنامەیێ رۆناهی خستە سەر وێ یەکێ کو رێڤەبەریا بایدن بزاڤێ دکە کو هەرێما کوردستانێ بکە ناڤەندا سەرەکە یا هەژموونا ئهمهریكایێ ل ئیراقێ، ژ بەر کو ئیراق کار ژ بۆ بداویکرنا ئەرکێ هێزێن ئهمهریكایێ ل وی وەلاتی دکە.
رۆژنامە دبێژە، د دەمەکێ دە کو ئهمهریكا ل ئیراق و سووریەیێ رووبروویێ ئێرشێن گرووپێن چەکدار دبە، لێ هەول ددە هەرێما کوردستانێ بکە مەیدانا پاراستنا هەژموونا خوە ل وی وەلاتی.
هەروها دەستنیشان کر ژی، سەرکردایەتیا هەرێما کوردستانێ ب ئەشکەرە ل دژی دەرکەتنا هێزێن ئهمهریكایێ ژ ئراقێ یە و دبێژە کو ئەڤ یەک دێ د بەرژەوەندیا ئیران و هەڤپەیمانان دە، هەڤسەنگیەکە نوو چێبکە.
