ئیستیخباراتا سوێدی دا زانین کو د ئۆپەراسیۆنەکا تایبەت دە لڤ و تەڤگەرا ھندەک کادرۆیێن پەکەکێ یێن کو پەرە وەک باج ب زۆرێ ژ ھندەک کوردان دستینن ژ نێز ڤە شۆپاندنە و دیار کر کو ئەڤ دەمەکە ل سەر ڤێ مژارێ لێکۆلینێ دکن و ب سەر کەتنە.
ل گۆری ئاگاهیێن د چاپەمەنیا ولاتێ سوێدی دە کو ژ زاردەڤێ رایەدارێن ئیستخباراتێ هاتینە پارڤەکرن، ئیستیخباراتا ولاتێ سوێدی چوویە سەر چەندین مالێن کادرۆیێن پەکەکێ کو د وان مالان دە گەلەک پەرە یێ وەکە باج ژ خەلکێ هاتیە ستەندن هەبوویە، لەورا ئەو کادرۆیێن پەکەکێ ھاتنە گرتن و دەستەسەر کرن.
ئەڤ نووچە ئیرۆ ب ئاوایەکی فەرمی د تەلەڤزیۆن و رادیۆیا سوێدێ دە ھاتیە راگھاندن.
پرانیا مالباتێن کوردان کو بەرێ پشتگریا پەکەکێ دکرن د نها دە راستیا ڤێ رێخستنێ ژ وان رە ئەشکەرە بوویە و دزانن کو پەکەکە رێخستنەکە کرێگرتیە و ژ بەر ڤێ یەکێ وان ل دەزگەھێن فەرمی یێن وی وەلاتێ ئەورۆپی سکالا تۆمار کرنە.
