ئارتێشا ئیسرایلێ ل باشوورێ لوبنانێ ئۆتۆمۆبیلەکا حزبوللاھا لوبنانێ کر ئارمانج و د ئەنجامێ دە بەرپرسەک و 2 ئەندامێن دن یێن حزبوللاھا لوبنانی ھاتن کوشتن.
کانالا حەدەس راگەھاند ئیرۆ 2/3/2024 ئارتێشا ئیسرایلێ ل باژارۆکێ ناقوورە یا ل باشوورێ لوبنانێ ب درۆنان ئۆتۆمۆبیلەک کر ئارمانج و د ئەنجامێ دە 3 ئەندامێن حزبوللاھا لوبنانێ ھاتن کوشتن.
ھەروھا چاپەمەنیا ئیسرایلێ راگەھاند، کو ژ بەر بۆمبەبارانا ئارتێشا ئیسرایلێ یا نێزیک باژارۆکێ ناقوورە یا ل باشوورێ لوبنانێ، بەرپرسەکی پایەبلندێ حزبوللاھا لوبنانێ ھاتە کوشتن. لێ ناسنامەیا وی بەرپرسێ ھاتیە کوشتن یێ حزبوللاھێ ھەتا نھا نەھاتیە ئاشکەرا کرن.
