د 1ێ ئادارێ دە کۆما چەتە یا ب ناڤێ «جوانێن شۆرەشگەر» ئێریشی مەراسیما بیرانینا 45مین سالڤەگەرا کۆچا داوی یا مەلا مستەفا بارزانی ل باژارێ کۆبانێ یێ رۆژئاڤا کربوو. ئێریشکاران ب دارێن د دەستێن خوە دە و ماسکه‌یێن ل سەر روویێن وان، هەقارەت ل کۆما کو ژن و زارۆک ژی د ناڤ دە هەبوون کرن و ئاڤاهیا ئه‌نه‌كه‌سێ یا کو دا بیرئانین لێ هاتبا لدارخستن شەوتاندن. بوویەر ل سەر مەدیایا جڤاکی بوو سەدەما بەرتەکێن مەزن یێن کوردان.
چاڤکانیێن هەرێمی یێن دارکا مازی دەر بارێ کەسێن کو پلان کرنە و ئێریش کرنە ئاگاهی ب دەست خستنە. ل گۆری ڤێ یەکێ، پرانیا کەسێن کو ئێریش پێک ئانینە و یێن کو ئەڤ بوویەر ئۆرگانیزە کرنە، خەباتکارێن په‌كه‌كێ یێن باکورێ کوردستانێ نە.
ل گۆری چاڤکانیێن دارکا مازی، پەرسۆنەلێن په‌كه‌كێ یێن کو بوویەر پێک ئانینە و ل سەر ناڤێ سازیێن جودا یێن ل کۆبانیێ چالاکی کرنە ئەڤن:
1- خه‌یری: ئەڤ کەس 35 سالی و خەلکێ باکورێ کوردستانێ یە، بەرپرسێ رێخستنا ب ناڤێ «کۆمەلێن جوانێن»، رێخستنا ناڤەندی یا جوانێن په‌كه‌كێ یە. بەری دەمەکێ كێم هاتیە کۆبانی و گۆتیە: «ئەزێ بایێ په‌كه‌كێ بینم ڤر». پراتیکا وی یا یەکەم ئێریشا ل سەر بیرئانینا مەلا مستەفا بارزانی بوو.
2- خه‌لیل کۆبانی: ژ گونده‌وارێ کۆبانێ یه، بەرپرسێ کۆبانێ یێ «جوانێن شۆرەشگەرە». ب نێزیکبوونا خوە یا ب مازلووم عەبدی رە تێ ناسکرن، ل کۆبانێ د گەلەک چالاکیێن وەکە رەڤاندنا زارۆکان و ئێریشا موخالەفەتێ دە جهـ گرتیه.
3- عه‌گید ئه‌حمه‌د: د کۆردیناسیۆنا جوانێن شۆرەشگەر یا کۆبانێ دە جهـ دگرە و بەرپرسێ کۆمیتەیا پەروەردەیێ یە.
4- ئه‌حمه‌د دەروێش: د کۆردیناسیۆنا کۆبانێ یا جوانێن شۆرەشگەر دە جهـ دگرە د هەمان دەمێ دە ئەندامێ کۆمیتەیا وەرزشێ یە. ئەو ب کریارێن خوە یێن توندیێ ل کۆبانی تێ ناسکرن. ئەو ژی ب نێزیکبوونا خوە یا ب مه‌زلووم عه‌بدی رە تێ زانین.
ل گۆری ئاگاهیێن کو دارکا مازی ب دەست خستنە، پرانیا ئێریشکارێن ب داران و روویێن نخوماندی خەباتکارێن په‌كه‌كێ نە و رێخستنێ ئه‌و ژ بەر پرسگرێکێن تەندورستیێ شاندنە ڤێ قادێ.
ل گۆری چاڤکانیێن مە، جوانێن شۆرەشگەر ناڤەندێن وەرزشی، مووزیک و ..هتد ل کۆبانێ هەنە، جوانێن کو دچن ڤان ناڤەندان، ژ بەر کو بێکارن و دەرفەتێن ئابۆری نینن، تێن مانیپولەکرن.
چاڤکانیێن مە دیار دکن کو ئەڤ جوان شێنیێن كۆبانێ بێزار دکن، خوە خوەدیێ هەر تشتی دبینن و گەفان ل مرۆڤان دخون. هەمان چاڤکانیێ هەر وها دیار دکە کو کارەکی وها تەنێ ب کۆردیناسیۆنا په‌كه‌كێ یا ل رۆژئاڤا تێ کرن.
داركامازی دو رۆژا به‌رێ دیار کربوو کو بەرپرسیارێ سەرەکە یێ ڤێ بوویەرێ مه‌زلووم عه‌بدی یه.
