رەوانگەھا سووری بۆ مافێن مرۆڤ ئەشکەرە کر کو رێڤەبەریا پارتیا یەکیتیا دەمۆکراتیک (پەیەدە) بەردەوامە د شاندنا پەترۆلێ ژ بۆ دەڤەرێن د بن کۆنترۆلا کۆمێن چەکدارێن سەر ب ترکیێ ڤە.
رەوانگەھێ دەستنیشان کر، “تانکێن ب سۆتەمەنیێ بارکری بەردەوام ژ ھەرێمێن رێڤەبەریا خوەسەر بەر ب ھەرێمێن د بن کۆنترۆلا کۆمێن ئالیگرێن ترکیێ دە د رێیا دەریێ “ئوم جەلوود” یێ باکورێ رۆژئاڤایێ باژارێ منبجێ، ل باکورێ رۆژھلاتێ حەلەبێ، دچن.”
رێڤەبریا پەیەدێ بەردەوام پەترۆلێ ژ بیرێن پەترۆلێ یێن ل دەڤەرێن د بن کۆنترۆلا خوە دە بەرهەم تینە و ژ بۆی دەڤەرێن د بن کۆنترۆلا رێژیما سووریێ دە، و ھەروھا دەڤەرێن د دەستێ چەکدارێن سەر ب ترکیێ دە دشینە.
د دەمەکی دە کو کریزا سۆتەمەنیێ ل ھەرێمێن د بن کۆنترۆلا رێڤەبەریا پەیەدێ دە بەردەوام دکە، رێزێن ئۆتۆمۆبیلان ب دەمژمێرێن درێژ ل بەر بەنزینخانەیان دسەکنن دا کو بەنزین و گازوایلێ وەربگرن، ل شوونا چارەسەرکرنا کریزا سۆتەمەنیێ ل رۆژئاڤا کوردستانێ، پەیەدە سۆتەمەنیێ ژ بۆی دەڤەرێن د بن دەستهلاتا رەژێما سووریێ و دەڤەرێن د بن دەستهلاتا کۆمێن سەر ب ترکیێ ڤە دشینە و چ گرنگیێ ب چارەسەرکرنا پرسگرێکا سۆتەمەنیێ ل رۆژئاڤا کوردستانێ نادە.
