وەزیرێن دەرڤە و بەرگری و سەرۆکێ میتێ یێن ترکیەیێ ب ئارمانجا بەشداریا د لووتکەیا ئەولەکاریا ئیراق-ترکیێ دە، سبە دێ سەردانا ئیراقێ بکن.
لووتکەیا ئەولەکاریا ئیراق-ترکیێ، سبە ل بەغدایێ دەستپێ دکە. بەردەڤکێ وەزارەتا دەرڤەیا ترکیەیێ دا خویاکرن، وەزیرێ دەرڤە ھاکان فیدان، وەزیرێ بەرگریێ یاشار گولەر و سەرۆکێ دەستەیا ھەوالگێریێ (میت)ێ ئیبراھیم کالن، ب ئارمانجا بەشداریکرنا د لووتکەیا ئەولەکاریا ئیراق-ترکیێ دە، سبە سەردانا بەغدایێ دکن.
ھەروھا دا خویاکرن، مژارێن سەرەکی یێن جڤینێ ئەولەکاری و ھەڤکاریێن سەربازی نە. دا زانین، د جڤینێن بەرێ دە ئیراق و ترکیێ پەکەکە وەک گەفەکا ھەڤبەش بناڤ کربوون و ئەو دخوازن ژ ڤێ ھەلوەستا ئیراقێ باشترین سوود وەربگرن.
بەردەڤکێ وەزارەتا دەرڤەیا ترکیێ ھەر وھا گۆت، مژارا دەستپەکرنا ھناردەکرنا پەترۆلێ ژی دێ هێت گۆتووبێژکرن.
بەشەکا گرینگ یا جڤینێ ژی، دانینا بنگەھا سەردانا سەرۆک کۆمارێ ترکیێ رەجەب تەییب ئەردۆگانە کو بریارە مەھا نیسانا بهێت سەردانا ئیراقێ بکە.
