وه‌زاره‌تا به‌رگریێ یا تركیێ ئیرۆ بیلانچۆیا ئێریشێن خوه یێن ئاسیمانی ل باشوور و رۆژئاڤا كوردستانێ ئیلان كر و ل گۆری وێ، 63 چه‌كدارێن په‌كه‌كێ و یه‌په‌گێ كه‌تنه به‌ر ئێریشان.
ل گۆری داخویانییا ناڤه‌دندا مه‌دیایێ یا وه‌زاره‌تا به‌رگریێ یا تركیێ كو ئیرۆ رۆژا پێنجشه‌می 14/3/2024ێ پارڤه‌كریه، د ناڤا حه‌فتیه‌كێ ده ل هه‌ر یێك ژ باشوور و رۆژئاڤا كوردستانێ 63 چه‌كدارێن په‌كه‌كێ و یه‌په‌گێ كه‌تنه به‌ر ئێریشێن بالافران و هاتنه كوشتن.
وه‌زاره‌تا به‌رگریێ هه‌ر وها دیار کر کو تێکۆشینا هێزێن چەکدارێن ترک یا ل دژی رێخستنا په‌كه‌كێ بێناڤبر ددۆمە.
هه‌ر وها ده‌ستنیشان كر، ژ ده‌ستپێكا ڤێ سالێ 2024ێ ڤه، 482 چه‌كدارێن په‌كه‌كێ هاتنه كوشتن، 229 ژێ ل باشوورێ كوردستانێ و 253 ل رۆژئاڤا كوردستانێ.
رێخستنا په‌كه‌كێ ده‌ربارێ ڤێ بیلانچۆیا ئارتێشا تركیێ ت داخویانی نه‌دانه.
هه‌ر یێك ژ ئارتێشا تركیێ و رێخستنا په‌كه‌كێ ده‌م بۆ ده‌مێ بیلانچۆیا زرارێن هه‌ڤ رادگهینن، لێبه‌لێ هه‌ردو ئالی راست نابێژن و ڤێ وه‌كه شه‌ره‌كی تایبه‌ت ل دژی هه‌ڤ د مه‌شینن و یێن كو زرارا راستین یا ڤی شه‌رێ ساخته ددن، شێنیێن باشوورێ كوردستانێ نه.
