ل نێزیک ناڤچەیا ئەجابات یا چاناکالەیا ترکیێ بەلەما لاستتک یا کۆچبەر و پەنابەران نۆقمی ئاڤێ بوو و د بوویەرێ دە گەلەک کەسان جانێ خوە ژ دەست دان و ھەتا ناھا 7 ژێ زارۆک تەرمێ 22 کەسان ژ بەحرێ ھاتیە دەرخستن. ھات زانین ئەو کۆچبەر و پەنابەر ژ بۆ بچن یەونانیستانێ کەتبوون رێ.
ل گۆر چاپەمەنیا ترکیێ ل بەحرا مەرمەرە یا نێزیکی ناڤچەیا ئەجاباتا سەر ب پارێزگەھا چاناکالەیێ بەلەما پەنابەران نۆقی ئاڤێ بوو. ب بالەفر و 2 ھەلیکۆپتەر و درۆن و 18 بەلەمێن رزگارکرنێ ڤە خەباتێن لێگەرینێ بەردەوام دکن.
ل سەر بوویەرێ پارێزگارێ چاناکالەیێ “ئیلھامی ئاکتاش” ژی راگەھاند، پشتی نووچەیا بەلەما پەنابەران نۆقمی ئاڤێ بوویە چوویە ھەرێمێ و گۆت، ھەتا نھا چ ئاگاھیەک دەربارێ ھەژمارا کەسێن د وێ بەلەمێ دە ھەبوونە تونەیە. ئەم دخوازین ھەژمارا ونداییێن جانی دەستنیشان بکن. ھندەک کەس ھاتنە رزگارکرن، لێ ئاگاھیێن ب ناکۆک ھەنە و د ناڤ خوە دە ژی ب ناکۆک دئاخڤن. 2 کەس ژ وان پەنابەران ب دەرفەتێن خوە رزگار بوونە، 4 کەس ب ساخی ھاتنە رزگارکرن، لێ 7 ژێ زارۆک تەرمێ 22 کەسان ژ ئاڤێ ھاتیە دەرخستن.
