وه‌زاره‌تا به‌رگریێ یا تركیێ د هه‌فته‌یا رابووری ده كوشتنا 10 چه‌كدارێن په‌كه‌كێ ئیلان كریه، 2 ژێ دوهـ رۆژا شه‌می بوونه ئارمانجا بالافران.
ل گۆری وه‌زاره‌تا به‌رگریێ یا تركیێ ژ رۆژا دوشه‌میا رابووری 11 ئادارا 2024ێ ڤه ئانكو د 6 رۆژان ده، بالافرێن شه‌ر ل دژی لڤ و ته‌ڤگه‌رێن په‌كه‌كێ یێن ل هه‌رێما ئۆپه‌راسیۆنا په‌نجه کلیدێ ئێریش پێكئانینه.
ده‌ستنیشان كر، د ئه‌نجاما ڤان ئیریشان ده 10 چه‌كدارێن رێخستنا په‌كه‌كێ هاتنه كوشتن.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیان یێن ل سینۆرێ ناڤچەیا ئامێدیێ ل خوە دگرە.
