وەزیرێ کارێن دەرڤەیێ ترکیەیێ هاکان فیدان دەربارێ پێوەندیێن په‌كه‌كێ و یه‌نه‌كێ دا ئاخڤی و گۆت: “پێوەندیێن په‌كه‌كێ و یه‌نه‌كێ ئێدی بوونە گەفەکە ئەولەهیا نشتیمانی».
هاکان فیدان د بەرنامەیەکە تەلەڤیزیۆنێ دە بەحسا پۆلیتیکایا دەرڤە یا ترکیەیێ کر و بەرسڤا پرسێن رۆژنامەگەران یێن دەربارێ کارووبارێن دەرڤە یێن ترکیەیێ دا.
فیدان ئاماژە ب پێوەندیێن یەکیتیا نشتمانی یا کوردستانێ (یه‌نه‌كێ) و په‌كه‌كێ کر و گۆت کو ئەو پێوەندی بوونە گەفەکە ئەولەهیا نشتمانی.
هەروها فیدان بانگی یه‌نه‌كێ ژی کر کو دەڤ ژ پێوەندیێن ل گەل په‌كه‌كێ بەردە و “پێوەندیێن خوە یێن دۆستانە وەکی د دیرۆکێ دە هەیی” ئیرۆ ژی ل گەل ترکیەیێ بهێز بکن.
هاکان فیدان ئیدیعا کر کو پێوەندیێن په‌كه‌كێ و یه‌نه‌كێ ئێدی نە تەنێ پرسگرێکە ژ ترکیێ رە لێ گەفەکە و وسا دەوام کر:
«پێوەندی و دلسۆزیا سەرکردایەتیا یه‌نه‌كێ ل گەل په‌كه‌كێ ئاڤا کریە، ژ بۆ مە ئێدی ژ پرسگرێکێ زێدەترە و بوویە گەفەکە ئەولەهیا نشتیمانی».
ترکیە ب بریارە کو هەموو ئاموورێن پۆلیتیکایا دەرڤەیێن د دەستێ خوە دە ب ئاوایەکی کۆئۆردینەکری ب کار بینە دا کو ل هەرێمێ ئیستیقرار پێک وەرە.
